Skilmálar fyrir gervigreindarstuddar leitarþjónustur Vestra AI ehf.

SKILGREININGAR

Í þessum skilmálum hafa eftirfarandi hugtök merkingu sem hér segir:

1. "Vestra AI ehf." vísar til Vestra AI ehf., íslensks fyrirtækis sem veitir gervigreindarstuddar leitarþjónustur.
2. "Þjónustan" vísar til leitarvélar Vestra AI ehf., hvort sem hún er á vefsíðum í eigu Vestra AI ehf. eða á vefsíðum samstarfsaðila.
3. "Notandi" vísar til einstaklings eða lögaðila sem notar þjónustuna.
4. "Samstarfsaðili" vísar til hvers þess aðila sem veitir Vestra AI ehf. aðgang að vefsíðum sínum eða nýtir sér þjónustu þess.
5. "Leitarfyrirspurnir" vísar til þeirra gagna sem notandi slær inn í þjónustuna til að fá niðurstöður.

INNGANGUR

Þessir skilmálar gilda um gervigreindarstuddar leitarþjónustur sem Vestra AI ehf. veitir. Leitarvélin getur verið á vefsíðum í eigu Vestra AI ehf. eða á vefsíðum samstarfsaðila okkar. Með því að nota þessa þjónustu samþykkir þú að fylgja skilmálum hennar. Ef þú samþykkir ekki þessa skilmála, vinsamlegast hættu notkun þjónustunnar.

PERSÓNUVERND

Meðhöndlun persónuupplýsinga fer fram samkvæmt persónuverndarstefnu Vestra AI ehf., sem þú getur skoðað á https://vestra.is/personuverndarstefna.

UM ÞJÓNUSTUNA

Leitarþjónustan gerir notendum kleift að framkvæma leit með aðstoð gervigreindar á vefsíðum Vestra AI ehf. og samstarfsaðila. Leitarfyrirspurnir eru sendar til OpenAI, sem býr til svar við fyrirspurninni. Til að tryggja gæði þjónustunnar kunna að vera geymdar upplýsingar, þar á meðal leitarfyrirspurnir, IP-tölur, fjöldi nota, tímasetningar, hvaða léni leit tilheyrir og önnur gögn sem nýtast til að bæta þjónustuna.

ALDURSTAKMÖRK

Til að nota þessa þjónustu verður notandi að hafa náð að minnsta kosti 13 ára aldri, eða hafa náð þeim lágmarksaldri sem lög í viðkomandi landi kveða á um. Ef notandi er undir 18 ára aldri, þarf hann leyfi forsjáraðila.

DEILING UPPLÝSINGA MEÐ SAMSTARFSAÐILUM

Vestra AI ehf. kann að deila upplýsingum um leitarfyrirspurnir með samstarfsaðilum sínum í þeim tilgangi að bæta þjónustu, greina leitarmynstur og veita innsýn í notkun leitarvélarinnar. Þessar upplýsingar geta falið í sér:

1. Leitarorð og fyrirspurnir sem notendur slá inn í þjónustuna
2. Greiningu á leitarmynstri, þar á meðal tíðni og tímasetningu fyrirspurna
3. Almennar tölfræðilegar upplýsingar um notkun þjónustunnar

Samstarfsaðilar fá ekki aðgang að persónugreinanlegum upplýsingum, nema notandi hafi veitt sérstakt samþykki fyrir slíku. Með notkun þjónustunnar samþykkir notandi að leitarupplýsingar og greiningargögn geti verið deilt með samstarfsaðilum í ofangreindum tilgangi.

NOTENDAEFNI

Notendur bera einir ábyrgð á myndum, prófílum (þar með talið nafn þitt, mynd og líkneski), skilaboðum, athugasemdum, texta, upplýsingum, tónlist, myndböndum, auglýsingum, skráningum og öðru efni sem þeir kunna að hlaða upp eða slá inn í leitarvélar Vestra AI ehf. Bannað er að slá inn efni sem kann að vera móðgandi, ólöglegt, eða sem gæti brotið gegn réttindum, skaðað eða ógnað öryggi notenda eða annarra. Einnig er bannað að slá inn persónulegar upplýsingar og gögn. Vestra AI ehf. ber enga ábyrgð á efni sem notendur kunna að slá inn og er það alfarið á þinni ábyrgð. Þú berð ein(n) ábyrgð á eigin kostnaði og fyrirhöfn á að búa til afrit og skipta út öllu Notendaefni sem þú birtir eða geymir á Vefsíðunni eða veitir Vestra AI ehf. Persónuupplýsingar og aðrar viðkvæmar upplýsingar skulu ekki vera ritaðar í leitarvél Vestra.

HUGVERKARÉTTUR

Þú viðurkennir og samþykkir að við og leyfisveitendur okkar eigum öll hugverkaréttindi af hvaða tagi sem er sem tengjast Þjónustunni, þar með talið viðeigandi höfundarrétt, vörumerki og önnur eignarréttindi. Önnur vöru- og fyrirtækjanöfn sem nefnd eru í Þjónustunni geta verið vörumerki viðkomandi eigenda. Við áskiljum okkur öll réttindi sem ekki eru beinlínis veitt þér samkvæmt þessum samningi.

TAKMÖRKUN ÁBYRGÐAR

Þjónustan er veitt "eins og hún er" án ábyrgðar. Vestra AI ehf. ber enga ábyrgð á villum, ónákvæmum eða villandi upplýsingum sem gervigreindin kann að skila, töpum eða skemmdum gögnum, eða áhrifum leitarvélarinnar utan vefsíðna Vestra AI ehf. og samstarfsaðila þess. Með því að nota þjónustuna samþykkir notandi að Vestra AI ehf. beri ekki ábyrgð á hugsanlegum afleiðingum af notkun hennar. Gervigreind getur skilað röngum og/eða villandi upplýsingum og Vestra AI ehf. ber enga ábyrgð á upplýsingum sem kunna að koma frá okkar þjónustu.

NOTKUNARREGLUR OG TAKMÖRKUN MISNOTKUNAR

Notendum er óheimilt að misnota þjónustuna á nokkurn hátt. Óheimilt er að framkvæma sjálfvirkar eða of margar fyrirspurnir sem geta haft neikvæð áhrif á virkni þjónustunnar. Einnig er óheimilt að reyna að brjótast inn í eða trufla netkerfi, netþjóna eða innviði sem tengjast þjónustunni. Notendur mega ekki nota þjónustuna í tilgangi sem er ólöglegur, skaðlegur eða á annan hátt brýtur í bága við þessa skilmála. Brot gegn þessum reglum getur leitt til tafarlausrar lokunar á aðgangi að þjónustunni og annarra viðeigandi aðgerða.

LAUSN ÁGREININGSMÁLA

Ef upp kemur ágreiningur vegna notkunar þjónustunnar skal fyrst reynt að leysa málið með samkomulagi milli aðila. Ef ekki tekst að ná samkomulagi skal ágreiningur sæta úrlausn dómstóla á Íslandi, nema lög kveði á um annað. Þessir skilmálar lúta íslenskum lögum og allur ágreiningur sem upp kann að koma verður leystur fyrir viðeigandi dómstólum á Íslandi.

UPPSÖGN OG LOK SAMNINGS

Notandi getur hætt að nota þjónustuna hvenær sem er án sérstakrar tilkynningar. Vestra AI ehf. áskilur sér rétt til að loka á eða stöðva aðgang notanda að þjónustunni hvenær sem er, án fyrirvara, ef talið er að hann hafi brotið gegn þessum skilmálum eða lögum. Við lok samnings falla allar skuldbindingar notanda sem leiddu af notkun þjónustunnar niður, nema þær sem samkvæmt eðli sínu gilda áfram, svo sem ákvæði um ábyrgðartakmörkun og lausn ágreiningsmála.

BREYTINGAR Á SKILMÁLUM

Vestra AI ehf. áskilur sér rétt til að breyta þessum skilmálum hvenær sem er. Nýjustu skilmálar munu ávallt vera aðgengilegir hér á þessari síðu (vestra.is/skilmalar).